Wararkii ugu danbeeyay ee magaalada Kismaayo ayaa sheegaya in wafdi ay ka mid yihiin madaxweyne Xasan Sheekh Maxamuud, Shariif Xasan Sheekh Aadan iyo C/kariin Xuseen Guuleed ay ka dhoofeen magaalada Kismaayo iyagoo ku sii jeeda magaalada Muqidsho kadib markii uu qabsoomi waayay shirkii wada-tashiga ee Kismaayo.
Waxaa garoonka diyaaradaha ku soo sagootiyay Madaxweynaha Jubbaland Axmed Madoobe, iyagoo goor dhow la filayo inay Muqdisho ka degaan. Shariif Xasan ayaa la sheegay inuu diyaar gaar ah u raacay Baydhaba.
Dhinaca kale waxaa Kismaayo ku haray Ra’iisal wasaare Cumar C/rashiid, Madaxweynaha Puntland C/weli Gaas oo wararku sheegayaan inay sii joogi doonaan magaalada oo kulamo xasaasi ah oo gaara ay yeelan doonaan.
Waxaa mar kale la filayaa inuu Cumar C/rashiid waanwaan ka galo xiisada siyaasadeed ee ka dhex oogan Puntland iyo Galmudug oo saameyn qabyaaldeed hadda sii yeelaneysa. Inkastoo uu hore ugu guul darreystay markii uu booqday Puntland.
Goobjooge.com
[ad name=”HTML-1″]
