Wafdi uu horkacayo Madaweynaha Puntland C/weli Gaas ayaa galabta lagu soo dhoweeyay garoonka diyaaradaha Aadan Cadde, iyadoo ay la socdaan wasiiro ka tirsan xukuumadda Soomaaliya.
C/weli Gaas oo saxaafadda kula hadlay Garoonka Aadan Cadde ayaa sheegay inay ka qayb galayaan shirka madaxwaynayaasha mamuladda iyo kuwa DFS oo Muqdisho ka furmaya kaasoo looga hadlayo geeddi socodka iyo hanaanka doorashada 2016, wuxu sheegay inay muddo saddex cisho ah ku suganaan doonaan magaalada Muqdisho.
Sida caadada u ah C/weli Gaas waxa wafdigiisa ka mid ahaa ciidamada ilaalada u ah oo gaaraya lix askari, waxaana fekrado kala duwan laga qabaa sababta C/weli Gaas ku kaliftay inuu ciidamo u soo kaxeyso Muqdisho mar kastoo uu booqanayo.
DAAWO SAWIRRO
Goobjooge.com
