Laba dhinac ee magaalada Gaalkacyo waxaa maanta ka kala dhacay kulamo ay ka wada qeyb qaateen madaxda uu hogaaminayo Ra’iisal wasaaraha Soomaaliya iyo madaxda dowlad Goboleedyada Puntland iyo Galmudug, waxaana quraacdii madaxd oo dhan marti u noqdeen madaxweynaha Galmudug C/kariin Guuleed iyagoo lagu wada quraacday hotelka Five Star ee Koonfurta Gaalkacyo.

Qadadii ayaa dhinaca kale ka dhacay Waqooyiga Muqdisho iyadoo marti loo ahaa madaxweyne C/weli Gaas, iyadoo ay kasoo qeyb galkeen  Madaxweynaha Maamulka Galmudug, Ra’iisul-wasaaraha Soomaaliya, Madaxweynaha Maamulka Jubba-land, Wasiiro iyo Xildhibaano ka kala socda Dawladda Federaalka, Dawladda Puntland, Maamulka Jubbaland, Maamulka Galmudug, taliyaha ciidanka xoogga dalka, daraakiisha ciidamada labada dhinac, iyo culimaa’udiin.

DAAWO SAWIRRADA