Laba qof ayaa lau dilay rasaas ay fureen ciidamada  gobolka Hiiraan ku sugan ee dowladda kadib markii dadweyne gargaar loo qeybinayay  ay fowdo sameeyeen, degaanka Ceel-jaale ee Duleedka Magaalada Baledweyne.

Dadkan oo ahaa kuwa ay waxyeeleeyeen colaada iyo fatahaadda Beleweyne waxaa gargaar u qeybinayay ciidamada Jabuuti ee  AMISOM, waxaana ciidamada Jabuuti  ku wehliyay ciidamada dowladda.

Buuq iyo Fowdo ka dhalatay qeybinta gargaarka  ayaa sababatay in ciidamada Dowladda Soomaaliya rasaas furaan, taasoo keentay inay ku dhintaan laba qof oo rayid ah.

Shilkan oo naxdin ku noqday dadkii goobta loogu qeybinayay gargaarka ayaa kala firxaday, waxaana xaaladda markii dambe qaboojiyay saraakiisha ciidamada Jabtuuti.

Goobjooge.com