Wararka laga helayo gobolka Sh/hoose ayaa sheegaya in ciidamo Alshabab ah si lama filaan ah u caawa galeen degmada Wanlaweyn, halkaaso ku taala degaan ay gacanta ku haya ciidamada dowladda iyo kuwa AMISOM dhexdeeda.
Dadka degaanka ayaa sheegay in ciidamada ALshabaab ay khudbado u jeediyeen dadka degaanka iyagoo kala hadlay Masaajidaa, waxayna amar ku bixiyeen in la damiyo isgaarsiinta iyo korontada.
Lama oga sida Alshabaab ugu suuragashay inay Wanlaweyn u soo daba maraan ciidamada dowladda iyo kuwa AMISOM oo maalmihii ugu danbeeyay isaga baxay degaano ka mida Sh/hoose sida Qoryooley, Taara-toorow, waxaana ugu danbeeyay degaanada Alshabaab soo galeen Aw-dheegle.
Iyadoo arrimahan oo dhami dhacayaan ayaa taliska AMISOM iyo ciidamada dowladda Federaalka ay ku adkeysanayaan inaysan jirin degaano ay ka baxeen.
Goobjooge.com
[ad name=”HTML-1″]
[ad name=”HTML-6″]