Qoraal kasoo baxay Madaxtooyada Soomaaliya ayuu Madaxweynaha waqtigiisu dhammaaday ee Maxamed C/llaahi Farmaajo ku shaaciyey inuu guddoomiyey kulan hordhac u ah shirkii Afisyoone ee dhammeystirka Doorashooyinka.
Qoraalka Madaxtooyada ayaa u qornaa sida soo socota:
— Mudane Maxamed Cabdullaahi Farmaajo ayaa guddoomiyey kulan hordhac u ah Shirka Qaran ee dhammeystirka Arrimaha Doorashooyinka iyo fulinta heshiiskii 17-ka Sabteembar 2020 ee ay ansixiyeen Baarlamaanka Federaalka Soomaaliya.
Kulankan waxaa ka qeyb galay Ra’iisul Wasaaraha Maxamed Xuseen Rooble, Madaxweyneyaasha Dowlad Goboleedyada, Galmudug Axmed Cabdi Kaariye, Koonfur-galbeed Cabdicasiis Xasan Maxamed, Hirshabeelle Cali Cabdullaahi Xuseen iyo Guddoomiyaha Gobolka Banaadir Cumar Maxamuud Maxamed.
