Waxaa goor dhoweyd Garoonka diyaaradaha ee Wilson, magaalada Nairobi laga dejiyay qaar ka mida meydad ka mida askarii Kenya looga laayay dagaalkii Jimcihii hore ay kooxda Alshabaab ku qaadeen xerada Ceelcade ee Gobolka Gedo.
Meydadka oo ku jiray naxashyo lagu dahaaray calanka Kenya ayaa gaaraya 5, waxaa garoonka ku soo dhoweeyay taliyaha ciidamada Kenya Mwathethe iyo wasiirka gaashaandhigga dalkaasi Ms Omomo, waxaana xaflad lagu maamuusayo loogu qabtay garoonka oo heer qaran ah iyadoo Kenya ay ku jirto murugada askarta looga dilay Soomaaliya.
Weli ma jirto tiro rasmi ah oo Kenya ay bixiyay qasaaraha dagaalka Ceelcade ka gaaray, waxayna wasiirada gaashaandhigga ay sheegtay in marka howlgalku dhamaaday ay shaacin doonaan.
Goobjooge.com
