War hadda soo dhacay ayaa sheegaya in Wasiiru dowlihii Cadaalada maamulka Hirshabelle uu goor dhoweyd ku geeriyooday magaalada Muqdisho.
Wasiiru dowlaha oo ahaa Xildhibaan Marxuum Khaliif Muumin Tooxow ayaa ku jiray Isbitaalka Martiini, waxaana xaaladiisa ay sii xumaatay saacdihii ugu danbeeyay, iyadoo goor dhow la xaqiijiyey inuu u geeriyooday cudurka Covid-19.
Waa geeridii labaad ee Soomaaliya loogu geeriyoodo cudurkan, waxayna xalay Wasiirka Caafimaadka ka digtay inay liidato xaaladda laba bukaan oo u jiifa cudurka.
