War hadda soo dhacay ayaa sheegaya in la dhaawacay xildhibaan ka tirsan baarlamaanka Soomaaliya lagu dhaawacay weerar ay ku qaadeen koox dabley ah oo gaari wadatay oo rasaas ku furay gaarigii uu la socday xildhibaanka iyo ilaaladiisa.
Xildhibaanka ayaa lagu magacaabaa Maxamed Cali Diheeye, waxaana weerarka uu ka dhacay agagaarka Ceelgaabta, degmada Xamarweyne ee magaalada Muqdisho.
Saddex dabley oo ahaa ilaalada Xildhibaanka ayaa lagu dilay weerarka oo goor dhoweyd dhacay, waxaana wararku sheegayaan in dhaawaca xildhibaanka uu yahay mid adag.
Falalka qorsheysan iyo dilalka ay geysanayaan kooxda Alshabaab ayaa si weyn u kordhay magaalada Muqdisho, waxaana maalmihii ugu danbeeyay ay noqdeen kuwii ugu dhiigga badnaa falalka khaarijinta ah.
Goobjooge.com
