Wararka laga helayo magaalada Kismaayo ayaa sheegaya in maxkamad ay maanta Dil toogasho ah ku xukuntay mid ka mid ergooyinkii Doorashada.
Ninkan ergeyga ahaa ee dilka lagu xukumay ayaa lagu magacaabaa Cumar Faarax Ismaaciil oo lagu soo eedeeyay inuu Kismaayo ku dilay Marxuum C/raxmaan Maxamuud Carab oo ahaa ergey kale oo muran doorasho uu dhex maray.
Cumar Faarax Cismaaciil ayaa da’diisu gaareysaa 67 sano, wuxuuna Maxkamadda ka hor qirtay inuu dilay marxuum C/raxmaan Maxamuud Carab oo iska da’diisa ahayd 60-sano jir.
Laba nin ee ergada ahaa ayaa dagaal muran ah dhex maray, taasoo keentay inay Mindiyo isla dhacaan oo midkood dhinto, midka dhaawac soo gaaro.
Goobjooge.com
