Warbaahinta Sacuudiga ayaa soo werisay in Gantaal ka soo gudbay xuduudka dalka Yeman oo ku dhacay gudaha dalka Sacuudiga uu dhaliyay dhimashada 7 qof.
Gantaalkan oo laga soo riday gudaha dalka Yeman ayaa ku dhacay gobolka xuduudka ku yaala ee Najraan, dadka dhintay ayaa isugu jira 4 qof oo Sacuudiyaan ah iyo 3 ajnabi ah, sida uu soo weriyay telefishanka Al-Ihbariyya TV.
Gantaalka oo ay soo rideen kooxda Xuutiyiinta ayaa ku habsaday qeybta warshadaha ee magaalada Najraan isla markaana uu geystay qasaare maadi ah.
Weerarka gantaalka ah ee Sacuudiga lala beegsaday ayaa imaanaya iyadoo Sacuudiga uu dib u soo celiyay duqeyntii magaalooyinka ya ka taliyaan kooxda Xuutiyiinta, waxaana uu noqonayaa kii ugu qasaaraha badnaa ee Sacuudiga lagu duqeeyo.
Goobjooge.com
