Guddoomiyaha Gobolka Banaadir ahna Duqa Magaalada Muqdisho Taabid Cabdi Maxamed ayaa sheegay qaab cusub oo deriseyn ah oo lagu sugayo ammaanka caasimadda, iasgoo baaq u diray  shacabka Gobolka Banaadir.

Guddoomiye Taabit ayaa sheegay in shacabka Muqdisho si ay nabad iyo ammaan buuxa u helaan in Maamulka Gobolka Banaadir uu ka shaqey doono deriseynta oo qof waliba u aqoonsan lahaa ulana socon lahaa deriskiisa.

Wuxuu dadka Muqdisho u jeediyay in qof walbo oo caasimadda ku nool inuu deriskiisa ka war hayo, wadajirna isugu gurmadaan, taasoo ah qaabka ammaanka loo sugi karo, wuxuuna khudbadan ka jeediyay munaasabad loogu magac daray is dhexgalka bulshada oo lagu qabtay degmada Boondheere.

DHAGEYSO