Haweenay macalimad ah oo lagu magacaabo Judy Mutua una dhalatay dalka Kenya ayaa dablay ka tirsan Alshabaab ka afduubteen dhowaan duleedka Xerada qaxootiga ee Xagardheer ee Gobolka Waqooyi bari dalka Kenya oo ah xero ay ku jiraan qaxootiga Soomaalida.
Haweeneydan ayaa la sheegay in laga afduubtay inta u dhaxeysa Xagardheer iyo Dadaab, iyadoo dabley hubeysan ay gaarigii ay la socotay weerareen lana wareegeen, waxayna u shaqeynaysay Ha’yadda Windle Trust International, oo ah urur aan dowli ahayn oo samafal.
Boolis ayaa la geeyay degaanka lagu tuhmayo in lagu heysto macalimadani oo kiiskeeda dalka Kenya ayaa si weyn loo baahin, waxayna wararku sheegayaan, laakiin dadka Kenya ayaa baraha bulshada ka wada olole ay ku dalbanayaan in la soo badbaadiyo Judy.
Waa falkii ugu danbeeyay ee Alshabaab ka geysato gudaha Kenya iyadoo dhowaanahan ay ciidamada milateriga Kenya sheegeen inay olole balaaran ku qaadeen kooxda Alshabaab oo ay ka saareen keymo ay ku dhuuman jireen gudaha Kenya.
Goobjooge.com
