Hay’adda samafalka ee uu leeyahay musharaxa xisbiga Jamhuuriya ee dalka Mareykanka ayaa lagu amray inay joojiso howlaha ay ka wado Gobolka New York.

Xeer ilaaliyaha ee New York State James Sheehan ayaa ku soo eedeeyay Hay’addaha lacagaha u ururisa Donald Trum inaysan ka diiwaan gashaneyn gobolka New York oo si sharci darro ah ay ku bilowday sadaqo ururin.

Xeer ilaaliyaha New York ayaa ogeysiis uu goor dhoweyd soo saaray wuxuu ku sheegay in Donald Trump Foundation ay si degdeg ah u joojiso dhammaan shaqada ay ka waday New York.

Hay’adan ayaa ku tiirsaneyd dhaqaale ay siiyaan dadka shaqsiyaadka ah ilaa sanadkii 2008, waxayna tani dharbaaxo kale ku tahay musharaxa jamhuuriga oo shalay la shaaciyay inuu canshuurta federaalka u bixin waayay  muddo 18 sano ah markii uu sheegay inuu qasaaray lacag ka badan 900 Milyan.

Wakaalado