Wararka laga helayo dalka Itoobiya ayaa sheegaya in Afgembi dhicisoobay uu ka dhacay maamulka Amxaaradda dalka Itoobiya, kadib markii ciidamo hubeysan ay isku dayeen inay la wareegaan hoggaanka maamulkaasi.
Xarunta Maamulka Amxaaradda ee Bahr Dar ayaa lasoo weriyey in rasaas xoog leh laga maqlay, iyadoo ay isku dhaceen ciidamada inqilaabka waday iyo kuwa maamulka Amxaaradda, waxaana la sheegay in xaaladda ay weli kacsan tahay, iyadoo wararka la helayo ay yihiin kuwo aad u kooban.
Xoghayaha Warfaafinta Xafiiska Ra’iisal wasaaraha Itoobiya Negussu Tilahun ayaa warbaahinta u sheegay in afgembiga uu dhicisoobay, isla markaana ciidamada federaalka iyo kuwa maamulka ay xaaladda gacanta ku hayaan magaalada Bahirdar
Kooxo hubaysan ayaa isku dayday i ay afgambiyaan xukuumada degaanka Axmaarada, iyagoo xoog ku galay goob ay ku shirayeen masuuliyiinta Maamulka Axmaarada oo uu ku sugnaa madaxwaynaha maamulka Axmaarada, iyadoo laga hortegay kooxdaasi.
