Doorasho kursi ka tirsan Baarlamaanka Federaalka ayaa caawa ka dhacday magaalada Jowhar ee caasimadda Hirshabeelle, oo mar kale laga bilaabay wejiga labaad ee Doorashada.
Kursiga tirsigiisu yahay Hop#140 ayaa waxaa ku tartamayMurashaxiinta kala ah: Cabdulqaadir Cosoble Cali oo hore kursiga ugu fadhiyey iyo Cabdikariim Cilmi Tifow oo kasoo haray musharixiin kursigan doonayey inay u tartamaan.
Doorashada oo hal wareeg ahayd waxay natiijadii noqotay inuu kusoo baxo oo markale kursiga HOP140 loo doorto Musharax C/qaadir Cosoble Cali oo helay codad dhan 76, halka musharixi la tartamay ee C/kariin Tifow uu ka helay 22 cod.
C/qaadir Cosoble ayaa taageero ka helay madaxweyaha Hirshabeelle, waxaana uu inta badan soo xushay ergada dooraneysay kursiga, markii la siiyey odayaasha iyo xubnaha bulshada rayidka ee soo xulayey ergada.
