Iyadoo haweenka Soomaaliyeed ay wadaan kacdoon xil raadis ah xilli doorasheedka 2016, ayaa waxaa ololaha doorashada ku soo biiray haweeney caan ah oo dooneysa inay beesheeda u metesho aqalka hoose ee baarlamaanka.
Dr. Mina Xasan Shibis ayaa si rasmi ah u shaacisay inay u taagan tahay xilka mudane Baalamaan oo ka tirsan aqalka hoose sida ay ku shaacisay xaflad ka dhacday hotelkeeda Global ee magaalada Muqdisho.
Mina oo dhowaan taageero ka heshay madaxweyne Xasan Sheekh ayaan la ogeyn inay xilkan ku soo bixi doonto, waxaana loolan adag uu kala dhaxeeyaa xubno isugu jira haween iyo rag oo iyaguna u sharxan xilkan oo ka dhaxeeya ilaa 4 beelood oo waaweyn.
Haweenkii ugu badnaa ayaa u sharxan doorasha 2016, waxaana baraha bulshada laga dareemayaa kacdoon siyaasadeed oo la geliyay haweenka xilligan, inkastoo natiijadiisa la ogaan doono kadib doorashada iyo kaalinta ay ku yeeshaan labada aqal ee baarlamaanka Soomaaliya.
Goobjooge.com
