Kooxda khilaafada islaamiga ee Daacish ayaa soo saartay war ay ku sheegtay inay sarkaal ka tirsan ciidamada Nabadsugidda ee NISA ku khaarijisay Magaalada Muqdisho.
Wakaalada Wararka ee taabcsan kooxda Daacish ACMAAQ ayaa baahisay in falka khaarijinta ah ka dhacay degmada Yaaqshiid ee Waqooyiga Muqdisho.
Ma jirto cid xaqiijisay falkan iyo jiritaankiisa, kamana hadlin ciidamada NISA iyo dowladda Federaalka, waana markii ugu horeysay ee Daacish ay sheegato fal noocan oo kale ah muddooyinkan danbe.
Kooxda Daacish ayaa fariisin ku leh Gobolka Bari, siiba buuraha Galgala, waxaana aad u yar joogitaankeeda Koonfurta Soomaaliya iyadoo Alshabaab iyo dowladda Federaalka ay la wada dagaalamaan.
Goobjooge.com
