Ciyaar kale oo ka tirsan tartanka maamul goboleedyada dalka ayaa galabta Garoonka kubada cagta ee Banaadir Stadium
ku dhex maray laba kooxood ee ka kala socda Maamulada Puntland iyo Koonfur Galbeed.
Kulanka oo ahaa mid aad uxiiso badan ayay kooxda Puntland ka socota u ahayd kulankeedii ugu horeeyay halka K/Galbeed ay hore uga soo badisay Banaadir.
Kooxdii ka socotay Puntland ayaa cashar ciyaareed siisay Koonfur Galbeed, kadib markii ay qeybtii hore ee ciyaarta ku marsiisay 3 gool iyo 0, waxaana qeybtii dambe ay ciyaartoyda Puntalnd la yimaadeen gool kale, taasoo ciyaarta ay ku soo dhamaatay 4 – 0.
Koonfur Galbeed ayaa hadda xaqiijisay inay ka hartay tartanka kubada cagta maamul goboleedyada dalka, markii laba kulan oo is xiga laga badiyay, waxaana la sugayaa ciyaarta dhex mari doonta kooxdaha Banaadir iyo Puntland oo u muuqda inay taag roon yihiin.
Berito waxaa wada ciyaaraya kooxaha Jubbaland iyo Galmudug, waxaana kooxda Jubbaland ay kulankii la kulantay guuldaro ay kooxda Hiiraan/Shabeelaha Dhexe uga soo badisay 2 iyo 1.
Goobjooge.com
