Ra’isul wasaaraha Soomaaliya Xasan Cali Kheyre iyo Xubno ka tirsan Golihiisa Wasiiradda ayaa ka qeyb galay Aas maanta loogu sameeyay magaalada Baydhabo Marxuumad Maama Haajira Cali Aadan oo ah Hooyadda dhashay Gudoomiyaha Golaha Shacabka Mohamed Mursal Sheekh.

Aaska waxaa kaloo ka qeyb galay mas’uuliyiin ka tirsan maamulka Koonfur galbeed iyo dowladda Soomaaliya, waxaana ka mid ahaa Madaxweynaha maamulka Koonfur galbeed Shariif Xasan Sheekh Aadan, Guddoomiyaha Barlamaanka Koonfur galbeed iyo Odayaal iyo dadweyne fara badan.