Wasiirka arrimaha dibadda Soomaaliya ayaa xafiiskiisa ku qaabilay arrime fuliyaha dalka Qatar u jooga Soomaaliya Xuseen Bin Xamza.
Laba dhinac ayaa ka wadahadlay xiriirka labada dal iyo xaaladda Soomaaliya, iyadoo dowladda Soomaaliya ay ka mid tahay dalal dhowr ah oo mowqif dhexdhexaad ah ka qaatay xiisada kasii dareysa ee dalalka Khaliijka.
Dowladda Qatar ayaa weli safiir rasmi ah u joogin magaalada Muqdisho, waxaana metela Arrime fuliye, halka Sacuudiga uu Soomaaliya u qaabilsan yahay Safiir fadhigiisu yahay Nairobi.
Dowladda Imaaraadka Carabta ayaa safiir rasmi ah u joogaa magaalada Muqdisho, waxaana hoos u dhacay xiriirka Sacudiga iyo Imaaraadka la leeyihiin dowladda Soomaaliya kadib khilaafkii Khaliijka.
SAWIRRO
