Tuesday, January 28, 2020
More
    Home Caalamka Madaxweyne Albashiir: Ninkii uu isku aaminay ayaa inqilaabay

    Madaxweyne Albashiir: Ninkii uu isku aaminay ayaa inqilaabay [Waa kuma Cawad Bin Cawf ?]

    -

    - Advertisement -

    Afgembigii ka dhacay dalka Suudaan Khamiistii 11-ka April 2019 wuxuu soo gabagabeeyay xukuntii 30-ka sano soo jiray ee Madaxweyne Jeneraal Cumar Xasan Albashiir oo laf ahaantiisa inqilaab aan dhiig ku daadan ku qabsaday dalkaasi.

    Madaxweyne ku xigeenkii iyo wasiirkii Gaashaandhigga dalkaasi Cawad Bin Cawf ayaa akhriyey bayaanka koowaad ee ay ciidamada Suudaan talada dalkaasi kula wareegeen, wuxuuna sheegay in madaxweynihii la xiray meel amni ahna ku sugan yahay, iyadoo la dhisay Gole Mileri oo dalka xukuni doona muddo 2 sano ah.

    - Advertisement -

    Jen. Bin Cawf wuxuu ahaa nin darajooyin kala duwan kasoo qabtay ciidamada Suudaan, isagoo howlgab noqdayna waxaa dib u soo celiyey madaxweyne Albashiir oo u arkay ninka uu isku aamini karo, wuxuuna u magacaabay wasiirka Gaashaandhigga iyo ku xigeenkiisa.

    Bin Cawf ayaa xalay loo dhaariyey madaxa Golaha milateriga ee la wareegay xukunta dalka Suudaan, taasoo dad badan soo xusuusisay inqilaabkii uu wasiirka Gaashaandhigga Masar ku sameeyay madaxweynihiisii magacaabay ee Maxamed Mursi oo weli xabsi ku jira.

    Farqiga u dhaxeeya labada inqilaab ee Masar iyo Suudaan ayaa ah in Masara talada laga tuuray madaxweynihii ugu horeeyay dalkaasi ee si xor ah dadka u soo doortaan, halka Suudaan xilka lagala wareegay jeneraal isaguba afgembi ku yimid.

    Inkastoo dadka reer Suudaan intooda badan ka hor yimaadeen in ciiiamadu ay xukunta la wareegaan oo muddo 2 sano ah ay isku koobaan, ayna weli socdaan bannaanbaxyadii looga horjeeday ayaa haddana Suudaan waxay taariikh dheer u leedahay inqilaabyada milateri.

    Jeneraal Cawad Bin Cawf waa askari dhashay sanadklii 1950; Wuxuuna ka baxay Kulliyada Ciidamada, isagoo kadibna tababar milatari loogu diray dalka Masar oo uu ku takhasusay madaafiicda goobta, wuxuuna kadib macallin ka noqday kulliyadda layliga saraakiisha dalka Suudaan.

    Image result for awad bin awf

    Bin Cawf wuxuu noqday taliyaha sirdoonka milatariga iyo ku xigeenka taliyaha ciidamada qalabka sida ee Suudaan; wuxuu shaqada ka fariistay sanadkii 2010; kadibna waxaa loo magacaabay safiir ka tirsan wasaaradda arimaha dibadda, isgoo noqday agaasimaha waaxda xallinta khilaafaadka. Muddo kadib waxaa loo magacaabay Qusulka guud ee safaaradda Sudan ee Qaahira, wuxuuna markii danbe u wareegay dalka Cumaan oo uu ka noqday safiir.

    Madaxweyne Albashiir ayaa 2015 u magacaabay Cawad Maxamed Axmed Bin Cawf wasiirka Gaashaandhigga dalkaasi, waxaana la ogyahay in ciidamada Suudaan uu gaarsiiyey awood sare markii uu ku qalabeeyay hub casri ah, iyadoo helay sawaariiq iyo gawaarida gaashaaman.

    Madaxweynaha cusub ee Suudaan Cawad Bin Cawf wuxuu weli ku jiraa liiska shaqsiyaadka iyo saraakiisha Suudaan ee xayiraadda saaran tahay , loona heyso dembiyo dagaal oo ka dhacay Daarfuur.

    - Advertisement -

    TOOSHKA GOOBJOOGEXOGAHA
    LAGUU SOO XULAY

    XOG: Dowladda Somalia oo Gabadhii Amaal Nuur ku wareejisay saraakiil ka socotay Denmark, lagana dhoofiyey Muqdisho

    Dowladda Soomaaliya ayaa u gacan gelisay dalka Denmark gabadh Soomaaliyeed oo hooyadeed raadineysay muddo laba bilood ku dhow, kadib markii uu maanta...

    DHIIBISTII QALBI-DHAGAX: Muxuu Qirtay, Muxuu Qariyey, Muxuuse Qishay C/llaahi Sanbaloolshe..?

    Taliyihii hore ee Hay'adda Nabadsugidda iyo Sirdoonka Soomaaliya ayaa wareysi uu xalay bixiyey ku qirtay inuu qeyb ku lahaa kiiskii C/kariin Qalbi-dhagax...

    FAAQIDAAD: Cadaalladii Madaxweynaha laga raadiyey: Kiiska Amaal, cabashadii Hooyo Amran & Jawaabtii Madaxtooyada.

    Hooyo lagu magacaabo Amran Maxamed Cusmaan ayaa 16-kii bishan Janaayo 2020 soo jeedisay cabasho ku saabsan gabadh ay dhashay oo maqan, ayna...

    Xogtii ugu danbeysay Doorashada Guddoomiyaha Baarlamaanka Galmudug [Yaa ku guuleysan doona..?]

    Iyadoo ay maanta magaalada Dhuusamareeb ka dhacyso Doorashada Guddoonka Baarlamaanka Galmudug ayaa waxaa ilaa xalay socday olole doorasho iyo galaangal xoog leh...
    error: Content is protected !!