Madaxweynaha Soomaaliya Maxamed C/llaahi Farmaajo ayaa goor dhoweyd gaaray magaalada Marko ee Gobolka Shabeellaha Hoose.
Socdaalka Madaxweynaha ee magaalada Marko ayaa noqonaya kii ugu horeeyay ee uu magaaladasi ku gaaro muddo 2 sano ku dhow tan iyo markii uu xilka qabtay, waxaana la sheegay inuu kulamo la yeelan doono qeybaha bulshada ku nool magalaada colaadu ragaadisay ee Marko.
Waxaa kaloo Madaxweyne Farmaajo la sheegay inuu waqti la qaadan doono Guutada 14-ka Oktoobar ee Ciidanka Xoogga Dalka oo magaalada ka saaray kooxda Alshabaab, isla markaana heshiisiiyey maleeshiyo beeleed muddo dheer isku hor fadhiyey magaaladaasi.
