Madaxweynaha Soomaaliya Maxamed C/llaahi Farmaajo ayaa maanta ka baaqsaday salaadii Ciida ee uu dadka kula tukan jiray Masjidka Isbaheysiga Islaamka magaalada Muqdisho.
Waxaa masjidka iska xaadiriyay Guddoomiyaha Baarlamaanka Prof. Maxamed Sheekh Cismaan (Jaawari) iyo Ra’iisul Wasaare Xasan Cali Kheyre, iyadoo ay sidoo kale kasoo qeyb galeen madax fara badan iyo shacab.
Guddoomiyaha Baarlamaanka Soomaaliya Prof Maxamed Sheekh Cismaan Jawaari ayaa Shacabka Soomaaliyeed ugu baaqay in ay Iscafiyaan oo ay ka shaqeyaan nabadda iyo Xasiloonida Dalka.
Ra’iisal wasaare Kheyre ayaa dadka Soomaaliyeed ugu baaqay inay ku ciidaan sharaf iyo karaamo, isagoo hambalyo cod ah u diray dadka.
Wararka ayaa sheegaya in madaxweynaha uu ku tukaday Masjidka yar ee Madaxtooyada dhexdeeda ku yaalla, taasoo aan looga baran madaxweyne Farmaajo munaasabadana ciidaha.
