Madaxweynaha Puntland C/weli Maxamed Cali (Gaas) oo maalmahan ku sugnaa magaalada Gaalkacyo ee Gobolka Mudug ayaa socod bandhig ah ku sameeyay magaalada Gaalkacyo isagoo socod ku maray wadooyinka Gaalkacyo iyadoo ay wehliyaan mas’uuliyiinta Gobolka.
Gaas wuxuu xariga ka jaray Wadooyin Laami ah oo la sheegay inay yeelanayso magaalada Gaalkacyo, isagoo lug ku maray Xaafadaha kala duwan ee Magaaladda Gaalkacyo qeybteeda Waqooyi ee Puntland ka taliso.
Sidoo kale madaxweye C/weli Gaas wuxuu dadweynaha Gaalkacyo kula qaxweeyay Baararka iyo Hoteeladda ku yaalla Gaalkacyo, isagoo Carwooyinkana dhex tegay oo la sheekeystay Ganacsatada.
C/weli Gaas ayaa hore loogu eedeeyay inuusan ka bixin Garowe, taasoo keentay inuu magaalooyinka Puntland ku dhex wareego, kuna bixiyo socdaallo kal duwan.
Goobjooge.com
[ad name=”HTML-1″]
