Taliyaha ciidamada Badda Puntland ayaa beeniyay inay dib u qabsadeen degmada Qandala oo hore loo shaaciyay.
Taliyaha C/isaaq Diiriye Faarax oo sheegay ciidankoodu aanu wali gaarin degmada Qandala, oo ay u jiraan 50 KM, wuxuuna caddeeyay in marka hore ay sifeyn ka sameyn doonaan dhulka u dhow Qandala.
jaTaliyaha oo wareysi siiyay VOA ayaa sidoo kale beeniyay inay jiraan duqeymo maraakiin ku qaadeen degmada Qandala, wuxuuna sheegay inaysan jirin duqeyn noocaasi ah oo lala beegsaday Qandala.
Warar hore u soo baxay ayaa lagu sheegay in ciidamada Puntland ay dib u qabsadeen degmada Qandala, wuxuuna been abuur ku tilmaamay nin sheegtay ciidamada Badda ee Puntland oo saxaafadda u sheegay inay qabsadeen Qandala.
Kooxda Daacish taacsan ee ku sugan Gobalka Bari ayaa degmada Qandala gacanta ku dhigay, iyadoo Puntalnd ay ku qaadatay muddo ka badan Bil inay ciidamo u dirto degaankaasi.
Goobjooge.com
