Maxkamada Darajada koowaad ciidamada Qalabka Sida ayaa manta waxaa ay xukun dil toogasho ah ku ku riday eedeynsane Maxamed Cabdiraxmaan Cali oo ahaa askari ka tirsan Nabadsugida Soomaaliya, kasoo loo heystay dilka xaaskiisii hore Marxuumad Sacdiyo Khaliif Faarax oo ka dhacay degmada Yaaqshiid 19-Disembar 2018.
Eedeysane Maxamed Cabdiraxmaan Cali ayaa haweeynayda uu ku dilay Mindi (Toorey), waxaana degmada Yaaqshiid ay ka qabtay ciidamadda Amaanka, kadibna waxaa ay ku wareejiyeen Hey’adda baarista dambiyada ee CID. Xafiiska Xeer-Ilaalinta ayaa hor keenay fadhiga Maxkamadda Qiraalka eedeysanah, markaatiyaal sedax shaqsi ah oo goob joog u ahaa dhacdada, Sawirka Marxuumka, Warqadda Dhakhtarka ee cadeyneysa dhimashada.
Gudoomiyaha Maxkamada Darajada Koowaad ee Ciidamada qalabka sida Gaashaanle Sare Xasan Cali Nuur Shuute waxaa uu sheegay in Maxamed Cabdiraxmaan Cali lagu xukumay dil toogasha ah oo ah qisaasta Marxuumad Sacdiyo Khaliif Faarax.
Maxkamada Ciidamada ayaa inta badan waxaa ay ku xukuno ku ridaa askarta tirsan Dowladda Soomaaliya iyo dagaalamayaasha ka tirsan Al-Shabaab iyo Daacish.
