Milkiilaha kooxda Leicester City ninka u dhashay dalka ThailandVichai Srivaddhanaprabha ayaa la xaqiijiyey inuu saarnaa diyaaradii Helikobtarka ahayd ee xalay ku burburtay meel u dhow garoonka kooxda ee King Power stadium xalay isla markii ay ka kacday Garoonkaasi oo ciyaar ku dhex martay kooxaha Liesterter iyo West ham united.
Ninkan oo ah maalqabeen iskiis u abuurtay dhaqaalaha uu leeyahay ayaa ka qeyb galay daawashadii ciyaartii kooxdiisa ee shalay, kadibna wuxuu raacay diyaarad Helikobtar gaara oo uu leeyahay oo ah nooca Augusta Westland AW-169, taasoo isla markii ay duushay cilad soo wajaday darteed u dhacday, waxaana dab xoog leh ka kacay diyaaradda.
Ilaa hadda lama xaqiijin xaaladda milkiilaha Mr, Srivaddhanaprabha, halka wararka kale sheegayaan inuu la saarnaa diyaaradda tababaraha kooxda, waxaana laga cabsi qabaa in sacaadaha soo socda war naxdin leh uu kasoo yeero saraakiisha UK.
Kooxaha kala duwan ee dunida iyo kuwa Ingiriiska ayaa tacsi iyo dhambaallo u diray kooxda Leicester City.
