Wasaarada Amniga Gudaha Soomaaliya ayaa sheegtay in nin ka tirsan ururka Al-shabaab oo isku soo xiray waxyaabaha Qarxa uu iskiis ugu dhex qarxay Guri ku yaala Degmada Kaaraan ee magaalada Muqdisho, halkaas oo uu isku diyaarinayay.
Guriga qaraxu ka dhacay ayaa waxaa tegay Taliyaha Ciidamada Nabadsugidda C/raxmaan Maxamed Tuuryare iyo Afhayeenka Wasaarada Amniga Maxamed Yuusuf Cismaan, waxayna ciidamada ammaanka baaritaan ka bilaabeen halkaasi.
Afhayeenka Wasaarada Amniga Gudaha Maxamed Yuusuf Cismaan oo saxaafadda kula hadlay Guriga qarxa ka dhacay ayaa sheegay inaysan jirin khasaaro ka badan ninka dhintay.
Waxaa la xiray xaaska ninka qarxay sida uu sheegay Afhayeenka, waxaa kaloo xabsiga loo taxaabay Milkilihii Guriga iyo nin kale oo la sheegay inuu doonayay inuu Mooto Bajaaj uu ku qaado si uu magaalada u geeyo goobtii uu doonayay inuu isku qarxiyo.
Goobjooge.com
[ad name=”HTML-1″]
