Nin Soomaali ah oo lagu magacaabo C/Rashiid Qadar ayaa lasoo weriyay in uu Xaaskiisa oo Uur leh ku dilay Dalka Ingiriiska gaar ahaan Magaalada Bristol 26 kii July ee sanadkii hore 2015.
Haweeneyda oo lagu magacaabo Amaal Cabdi oo iyadana Soomaali ah ayaa la sheegay inay ka dalbatay in uu furo kadib markii ay u sheegtay in aysan rabin, lana sii noolaan karin, muranka arrintaasi ka dhashayna wuxuu keenay inuu Mindi dhowr jeer qoorta uga dhufto, sidaasina ay ku dhiig baxdo, kuma dhimato.
Ninka ayaa Xaaskiiska Mindi gaga dhuftay qoorta, waxayna u dhimatay dhaawaca ka soo gaaray Tooreyda uu seygeeda meesha halista ah ka geliyay. Khadar, oo 22 jir ah ayaa Booliska wacay, isagoo u sheegay inuu u hayo xaalad degdeg ah markii ay tageenna halkaa ugu tageen xaaskiisa o dhex jirta dhiig fara badan. Khadar ayaa Booliska ka dalbay inay isna dilaan ama xiraan.
Maxkamadda Magaalada Bristol ayaaa bilowday dacwada Khadar loo heyto ee dilka xaaskiisa oo uur lahayd. Maxkamadda ayaa dadka degaanka ka soo xigatay in C/Rashiid inta uusan falkaasi ku dhaqaaqin uu qof ka mid ah dadka Magaalada Bristol u sheegay in uu doonayo in uu qof dilo, waliba u sii raaciyay in ay xaaskiisa tahay.
C/rashiid waxaa uu Maxkamadda ka hor sheegay in markii uu tagay Ingiriiska ay xaaskiisa ay ku qeylisay sidoo kalena dharbaaxday,waxaana uu sheegay inuu wax badan u dul qaadanayay laakiin waxaa uu sheegay in uu dulqaadkii ka dhamaaday.Wuxuu qirsan yahay inuu dil ku kacay, balse wuxuu diiday inuu si ula kac ah u gowracay xaaskiisa.
Isha: Metro Uk.
