Maamulka Puntland ayaa magaalada Garowe maanta ka qabanqaabiyay banaanbax looga soo horjeedo dhismaha maamulka Gobolada Dhexe ee ka socda magaalada Cadaado iyo taageerada ay mamulkaasi siiyeen madaxda sare ee dowladda Federaalka.
Dadweyne isugu soo baxay magaalada Garowe ayaa isugu tegay fagaaraha Baraxada, waxaana khudbad u jeediyay mas’uuliyiin ka trisan maamulka Garowe iyo qaar ka mid ah odayaasha dhaqanka, waxaana goobta kasoo xaadirin madaxda sare ee Puntland iyo wasiirada maamulkaasi.
Gudoomiyaha Nugaal Cabdilaahi Ciise Axmed ayaa laga soo xigtay inuu ku eedeeyay madaxda dowladda Federaalka inay taageeraan maamul uu sheegay inuu ka hor imaanaya Dastuurka KMG ah ee dalka,
Waxyaabaha la yaabka leh oo dadkii bannaanbaxayay siteen waxaa ka mid ahaa boorar ay ku qoran yihiin: “Qaran Dumis Jawaari” iyo “Qabiil Doone Xasan Shiikh”.
Puntland ayaa qeylo dhaan dheer ku jirtay tan intii uu socday dhismaha maamulka Galmudug ee Cadaado gabagabo ka maraya, waxaana ay hadda ka gaartay meeshii ugu dambeysay iyadoo dacaayadeyneysa madaxdii Qaranka.
Goobjooge.net
