Weerar is-miidaamin ah ayaa lagu qaaday xarunta ciidamada Sirdoonka magaalada Kaabul ee dalka Afghanistan.
Wararka laga helayo magaalada Kabul ayaa sheegaya in weerarka oo uu fuliyey qof is-miidaamiyey ayaa la sheegay inuu ahaa qof lugeynaya, kaasoo isku qarxiyay shaqaale ka tirsanaa xarunta sirdoonka oo shaqada ku sii jeeday.
Qaraxa ayaa waxaa ku dhintay lix qof, iyadoo 3 kale ay ku dhaawacmeen, waxayna goobta qaraxa ka dhacay u dhoweyd xarunta weyn ee dhismaha sirdoonka dalkaasi oo kamida goobaha sida weyn loo ilaaliyo.
