Wararka laga helayo degmada Afgooye ee gobalka Shabeellaha Hoose ayaa sheegaya in halkaasi goor dhaw ka dhacay qarax Miino, kaas oo sababay khasaare dhimasho iyo dhaawac isugu jirta, iyadoo xaaladda degaankaasi ay noqotay mid cakiran.
Qaraxa ayaa ahaa Miino dhulka lagu aasay oo wararku sheegayaan inay ku qaraxday suuqa Xoolaha ee degmada Afgooye. Guddoomiye ku xigeenka dhanka amniga ee degmada Afgooye Yuusuf Maxamed ayaa xaqiijiyay in qaraxaasi uu ku dhintay Hal Askari, sidoo kalne ay ku dhaawcmeen Akari kale iyo shacab halkaasi ka dhowaa.
Ciidamada ammaanka ee maamulka degmada Afgooye ayaa tegay goobta qaraxa kadib , waxaana hakad galay ganacsigii suuqa Xoolaha ee degmada Afgooye iyo isu socodka dadka.
Goobjooge.com
