Ugu yaraan 8 Askari ka tirsan maamulka Koonfur Galbeed ee Soomaaliya ayaa ku dhaawacmay kadib markii qarax Miino ah oo dhulka loo geliyay lala beegsaday degaan u dhaxeysa Deynuunaay iyo Maanya-fuulka agagaarka magaalada Baydhaba.
Dhaawaca askartan ayaa yimid iyadoo ay la qaraxday miinada, waxayna wateen Gaari Land Cruiser nooca Soomaalidu u taqaan Gaari Cabdi Bile, waxaana la sheegay labo ka mida ciidamda uu dhaawacoodu uu halis yahay.
Dhaawaca askarta ayaa la geeyay magaalada Baydhaba. Taliyaha Qeybta 60-aad Bile Ibraahim Cali ayaa xaqiijiyay qaraxa ku dhacay askarta, wuxuuna sheegay in weerarkaasi kadib howlgal ay fuliyeen ay ku soo qabteen laba ruux oo lagu tuhmay ay falkaasi ka dambeeyeen.
Goobjooge.com
