Ra’iisul Wasaaraha xukuumAdda Soomaaliya Xasan Cali Kheyre ayaa gaaray magaalada Doha ee dalka Qatar, iyadoo ay halkaasi kusoo dhoweeyeen mas’uuliyiin ka tirsan dalkaasi iyo safiirka Somalia ee dalka Qatar.

Ra’iisul Wasaaraha ayaa magaalada Dooxa kula kulmay Ra’iisul Wasaare Ku-xigeenka Qatar oo ay ka wada hadleen xoojinta xariirka labada dowladood iyo dardar-gelina mashaariicda Qatar ay ka fuliso Soomaaliya, sida lagu sheegay war kasoo baxay xafiiska Ra’iisal wasaraha.

Dowladda Qatar ayaan hirgelin mashaariic dhowr ah oo hore u balanqaaday inay ka fulineyso Somalia, waxaana Qatar ay kaalmo toos ah iyo mid dadban siin jirtay dowladda Somalia, kadib xiisadii khaliijka oo Somalia ay u janjeersatay dalkaasi yar ee ay go’doomiyeen Sacuudiga, Imaaraadka iyo dalal kale.