Wararka laga helayo magaalada Muqdisho ayaa sheegaya in rasaas la isku weydaarsaday bar laga ilaaliyo garoonka diyaaradaha Muqdisho.

Bartan oo fariisin u ah ciidamada nabadsugidda Soomaaliya una dhow isgoyska KM4 ayaa ka dhalatay kadib markii gaari ciidan saaran yahay oo dowladda ka tirsan uu diiday inuu barta istaago isla markaana si xoog ah ku maray barta ciidan.

Rasaas ay labada ciidan is weydaarsadeen ayaa dhalisay kala carar, khalkhal weyn waxaana dhammaan goobta ka cararay dadkii ku sugnaa iyo baabuurtii oo laga wada degay.

Lama sheegin qasaare ka dhashay is-rasaaseynta, waxayna arrintan ka mid tahay nidaam la’aanta ka taagan ciidamada dowladda Soomaaliya oo si joogto isugu dhaca, iskuna rasaaseeya caasimadda dhexdeeda.

Goobjooge.com