Wafdiga Ra’iisal Wasaaraha xukuumadda Soomaaliya Soomaaliya Cumar Cabdirashiid Sharmarke ayaa si diiran loogu soo dhoweeyay magaalada Kismaayo xarunta mamulka KMG ah ee Jubba. Garoonka diyaaradaha waxaa ku sugnaa hogaamiyaha Jubba Axmed Madoobe ku xigeenkiisa C/llaahi Fartaag, masuuliyiin iyo shacab.
Axmed Madoobe ayaa soo dhoweynta kadib saxaafadda u sheegay inuu ku faraxsan yahay imaanshaha Ra’iisal wasaaraha dalka iyadoo ay tahay markii ugu horeysay ee uu booqdo intii xilka qabtay, “Cumar wuxuu ka mid ahaa dadkii wax ka dhisay mamulkan Jubba” ayuu yiri Axmed Madoobe oo dib u jaleecay xilligii uu Cumar ka mid ahaa kooxdii saldhigeedu ahaa Nairobi ee geed-fadhiga u ahayd qorshihii beeleed oo degaanada Jubba ka socday.
Ra’iisal Wasaare Sharmarke ayaa isaguma ka mahad celiyay sidii loogu soo dhaweeyay magaalada Kismaayo, waxa kale uu sheegay inuu ku faraxsan yahay mamulka iyo nidaamka Jubbaland ka jira iyo heerka ay soo gaareen.
[ad name=”HTML-1″]
[ad name=”HTML-6″]
