Wararka laga helayo magaalada Baydhaba aya sheegaya inay halkaasi gaareen qaar ka mida madaxda maamul goboleedyada, iyadoo qaar kale ay ku sii jeedaan.

Madaxweynayaasha Maamullada Jubbaland Axmed Maxamed Islaam (Axmed Madoobe)  iyo Hirshabeelle Maxamed Cabdi Waare ayaa lagu soo dhoweeyay Garoonka Shaatigaduud ee magaalada Baydhaba, iyadoo uu uga hortegay Madaxweynaha k/Galbeed Shariif Xasan Sheekh Aadan.

Axmed Madoobe oo diyaarad Gaara ay ka qaaday magaalada Kismaayo, isagoo ahaa Madaxweynihii u horeeyay oo ka socda dowlad goboleedyada oo ka dega Baydhabo, haka Madaxweynaha Hirshabeelle uu isna diyaarad ka raacaay magaalada Muqdisho .

Madaxweynayaasha Puntland iyo Galmudug ayaa la sheegay inay ku wajahan yihiin magaalada Baydhaba oo amnigeeda si weyn loo adkeeyay, waxaana shirka madaxda maamul Goboleedyada uu hordhac u yahay shirka Amniga Qaran.