Madaxweynaha Puntland Cabdiweli Maxamed Cali Gaas ayaa magaalada Boosaaso kula kulmay wafdi balaaran oo ka kala socday dowladda Federaalka Soomaaliya, dawladda Talyaaniga iyo urur goboleedka IGAD oo halkaasi gaaray.
C/weli Gaas ayaa sheegay in wafdiga ay u yimaadeen ka qeybgalka daah-furka dhameystirka wejiga labaad ee garoonka caalamiga ee Boosaaso oo maalinta Isniinta ah la furi doono, loona sameyn doono munaasabad kale.
Xubnaha wafdiga ee maanta gaaray Boosaaso waxaa ka mid ahaa Wasiirka Gaadiidka dowladda Federaalka, Danjiraha Soomaalia ee dalka Kenya, Xildhibaan Jurille, Wakiilka IGAD ee Soomaaliya, Xoghayaha guud ee IGAD iyo Safiirka Talyaaniga ee Soomaaliya.
Talyaaniga ayaa maalgeliyay dhismaha garoonka Diyaaaradaha Boosaaso oo Bishii Janaayo uu furay madaxweynaha Soomaaliya Xasan Sheekh Maxamuud.
Dhinaca kale Madaxweynaha Puntland, Danjiraha dawladda Talyaaniga u fadhiya Soomaaliya iyo xoghayaha guud ee urur Goboleedka IGAD ayaa xarigga ka jaray waddo laami ah oo gdhan 2km oo isku xiri doonta Dekedda iyo jidka soddonka magaalada Boosaaso oo ay isna maalgelisey dawladda Talyaaniga.
DAAWO SAWIRRO
Goobjooge.com
