Dowladda Soomaaliya ayaa isbedel ku sameysay diblomaasiyiintii safaaradda Soomaalida ee magaalada Khartoum, iyadoo sii haye cusub oo gaaray dalkaasi uu xilka la wareegay.
Isbedeladao lagu sameeyay diblomaasiyiinta Safaaradda Soomaaliya ee Khartoum ayaa imaanaya kadib markii loo yeeray inay degdeg dalka ugu soo laabtan diblomaasiyiintii hore oo arrimo kal duwan lagu soo eedeeyay markii uu magaalada Khartoum booqday Ra’iisal wasaare Kheyre.
Cusmaan Axmed Maxamed ayaa loo magacabaay sii-hayaha safaaradda Suudaan, wuxuuna la wareegay xilka Sii-hayaha Safaaradda Jamhuuriyadda Federaalka Soomaaliya ee Khartoum, Sudan.
Mudane Cusmaan, ayaa labo todobaad kahor loo magacaabay Lataliyaha koowaad ee Safaaradda, waxa uu hore uga soo shaqeeyay Safaaradda Soomaaliya ee Sanca, dalka Yeman; iyadoo wasaaradda arrimaha dibadda ay sheegtay inuu ehel u yahay gudashada howlaha noocaan oo kale ah.
