Waxaa magaalada Boosaaso ee xarunta gobolka Bari maanta lagu xiray Muuse Cali Jaamac oo ah siyaasi caan ah oo mucaarad ku ah maamulka Puntland ee uu hoggaamiyo Siciid C/llaahi Deni.
Siyaasigan ayaa dhowaan magaalada Boosaaso uga qeyb-galay shir ay isugu yimaadeen odayaasha dhaqanka iyo siyaasiyiinta gobolka Bari, kaasoo lagudhaliilay hoggaaka Madaxweyne Siciid C/llaahi Deni ee Puntland, iyagoo si weyn u dhaliilay garsoorka maamulkaasi oo aad u liita, kaasoo mudnaa inuu noqdo waxqabadka ugu horeeya ee xukuumadda Deni.
Muuse Cali jaamac ayaa la sheegay inuu saaka u yeeray Wasiirka Amniga Puntland C/samad Maxamed Gallan, laakiin intii uu kusii socday xafiiskiisa inay dhexda ka qabteen cidamada Booliska magaalada Boosaaso oo xabsiga u taxaabay.
