Waxaa Galabta magaalada Muqdisho yimid siyaasiyiin iyo mas’uuliyiintii Gobolka Gedo ee ciidamada Itoobiya ku xireen degmada Doolow ee Gobolka Gedo Jimcihii hore kadib markii heshiis shirqool ahaa loo geeyay halkaasi oo Axmed Madoobe ku sugnaa kadibna xoriyadii laga qaaday.
Siyaasiyiinta maanta Garoonka diyaaradaha ee Addan Cabdulle lagu soo dhoweeyay waxay kala yihiin:
- Gudoomiyihii Gobolka Gedo Maxamed Cabdi Kaliil
- Siyaasiga Maxamuud Sayid Aadan iyo
- Hogaamiyihii Ahlu suna ee degaanaasi Cusmaan Maxamed Aw Libaax.
Mas’uuliyiintan oo muddo 8 maalmood ah u xirnaa ciidamada Itoobiya waxay dadkii soo dhoweeyay maanta u sheegeen inay u afduubnaayeen Itoobiya, isla markaana xoog looga soo saaray degaankoodii ay madaxda ka ahaayeen.
Waxaa la fialyaa inay Muqdisho shirar kula qaataan Dowladda xaalkeedu liiato ee Soomaaliyeed iyo dhinacyadad siyaasadeed ee dalka ka jira.
Goobjooge.com
[ad name=”HTML-1″]
