Wararka laga helayo magaalada Jowhar ayaa sheegaya in halkaasi ay maanta gaareen wafdi ka kooban taliyeyaasha ciidamada iyo Guddoomiyaha Guddiga Doorashooyinka.
Wafdiga ayaa ka koobnaa Taliyaha ciidamada booliska Jen. Maxamed Sheekh, Taliyaha NISA Jen. C/llaahi Gaafow iyo Gudoomiyaha Gudiga Doorashooyinka Cumar Dhagey, waxaana ku wehliyay saraakiil kale.
Ujeedada socdaalka madaxdan ayaa lagu sheegay in ay la xiriirto shaqaaqadii amni darro ee ka dhacay Doorashada magaalada Jowhar, taasoo keentay in la hakiyo howshii Doorashada ee ka socotay maamuka Hirshabeelle.
Xaaladda ammaanka goobaha doorashada ee magaalad Jowhar ayaa la sheegay in dib u habeyn lagu sameynayo, iyadoo sharciyo cusub laga soo saarayo hubka ay wataan ilaalada musharixiinta.
Gudiga doorashooyinka dadban ayaa hakiyay doorashada magaalada Jowhar, waxayna mar kale kale sheegeen in Arbacada 23-ka Novembar dib bilaaban doonto.
Goobjooge.co
