Wararkii ugu danbeeyay ee goor dhoweyd naga soo gaaray magaalada Beledweyne ayaa sheegaya in xaaladda magaaladaasi ay kacsan tahay, isal markaana natiijo la’aan ku soo dhammaaday kulankii labaad ee dhex maray madaxweyne Xasan Sheekh iyo odayasha Hiiraan, sida uu saxaafadda u sheegay Ugaas Xasan Ugaas Khaliif.
Ugaasyada qaarkood ayaa la hadlay dadkii bannaanbaxa waday, waxayna uga mahad celiyeen sidii ay u taageereen odayaashooda iyadoo caddeeyay inay la kulmeen madaxweynaha, balse aanay jirin wax ay qarinayaan oo ay madaxweynaha ka waayeen wixii ay ka rabeen.
Ugaaska ayaa sheegay inay madaxweynaha ka waayeen wixii ay ka rabeen ee ahaa in reer Hiiraan ay tashadaan, waxaana Ugaaska uu booqday dadkii ay ciidamada dowladda ku dhaawaceen bannaabaxyadii maanta ka dhacay magaalada Beledweyne ee looga horjeeday Madaxweyne Xasan Sheekh isagoo tegay isbitaalka magaalada Beledweyne.
