Wasaaradda Caafimaadka Soomaaliya ayaa shaacisay dad cusub oo 24-kii saac ee lasoo dhaafay laga helay cudurka Covid-19 guud ahaan Soomaaliya.
Shirkii Jaraa’id ee Wasiirka Caafimaadka Fowsiya Abiikar Nuur ayey ku sheegtay in 11-ka May 2020 cudurka laga helay 35 qof oo cusub, kuwaasoo kala ah 25 Lab ah iyo 10 dheddig ah.
Dadka laga helay cudurrada waxay kala joogaan:
- Benadir: 24 qof
- Puntland: 8 qof
- Somaliland: 3 qof
Wasiirka caafimaadka ayaa sheegtay inay soo bogsoodeen 3 qof, halka uu dhintay qof hor leh, waxayna tirada geerida gaartay 52 qof, halka tirada guud ee dadka qaba Soomaaliya ay mareyso 1,089 ruux.
