Kooxda Alshabaab ayaa weerar gaadmo ah ku qaaday ciidamo ka tirsan dowladda Federaalka  duleedka magaalada Buurkhakaba, iyadoo ay halkaasi qasaare dhimasho iyo dhaawac ah ka dhaceen.

Askar ka tirsan ciidamada dowladda oo uu ka mid yahay sarkaal ciidan ayaa lagu dilay weerarka gaadmada ahaa, wuxuuna weerarka ka dhacay inta u dhaxeysa Baydhaba iyo Buur-hakaba ee gobolka Bay, iyadoo ciidamadaasi ay galbinayeen shixnad Qaad ah.

Saraakiisha ciidamada dowladda ayaa xaqiijiyey weerarka iyo qasaaraha gaaray ciidamada dowladda, iyadoo aan la sheegin qasaare soo gaaray ciidamadii Alshabaab ee weerarka qaaday.