Hal askari ayaa ku dhintay laba kalena waa lagu dhaawacay Bam lagu weeraray Guriga taliyaha howlgalinta NISA Aadan Maxamed Cumar ee degmada Dharkeynley ee Magaalada Muqdisho.
Weerarka oo xalay ka dhacay hoyga taliyahaasi oo ku dhow Suuqa Boocle ee degmada Dharkeyley waxaa qasaare kasoo gaaray ciidamada ilaalada ka ahaa, iyadoo aanu markaas ku sugneyn taliyaha guriga.
Taliyahan ayaa hore u ahaa Guddoomiyihii hore ee Degmada Dharkenley, waxaana markii xilkaas laga qaaday kadib loo magacaabay taliyaha Howlgelinta Hay’adda NabadSugidda iyo Sirdoonka Soomaaliya ee NISA.
Goobjooge.com
