Xildhibaan Faarax Sheekh C/qaadir ayaa markii ugu horeysay ka hadlay xilka loo doortay Maxamed C/llaahi Farmaajo ee madaxweynaha Soomaaliya.
Qoraal uu soo diray ayuu ku sheegay in Mudane Maxamed C/llaahi Farmaajo uu hogaankiisa u muujiyay dadka Soomaaliyeed xilligii uu ahaa soo qabtay xilka Ra’iisal wasaaraha, isla markaana Madaxweynenimadiisa uu dalkan ku hogaamin doono wado toosan.
Faarax C/qaadir oo ka mid ahaa saaxiibada madaxweynihii hore ee Soomaaliya Xasan Sheekh Maxamuud ayaa sidoo kale hambalyo u diray Ra’iisal wasaaraha cusub ee Soomaaliya Xasan Cali Kheyre.
Wuxuu sheegay inuu Xasan Kheyre yahay nin kasoo shaqeeyay shaqooyin heer caalami iyo gudaha dalka, isagoo u rajeeyay inuu xilka loo magacaabay ku guuleysto.
Goobjooge.com
