Gudoomiyihii Guddiga Anshaxa Baarlamaanka Jubbaland Xildhibaan Cumar Buraale Axmed ayaa ku geeriyooday Magaalada Kismaayo .

Xildhibaanka ayaa labadii Maalin ee lasoo dhaafay la xanuunsanayay Xanuunka Dhiig-karka, kadib markii uu dhex galay muran dhuleed ka taagan Magaalada Kismaayo oo keenay inuu dhiiggu ku kaco, kadibna xaaladiisa meel halis ah gaarto.

Allaha u naxariistee xildhibaan Cumar Buraale Axmed  ayaa la sheegay miyir la’aan iyo koomo galay, ugu dambeynna ku geeriyooday Isbitaal ku yaalla Kismaayo.

Wararka aya sheegaya in Cumar Buraale kamid ahaa Xildhibaanadii Baarlamaankii KMG ahaa ee Dowladii Shariif Shiikh Axmed ee lagu dhisay dalka Jabuuti.