Qaar ka mida Xildhibannada baarlamaanka Soomaaliya oo loo diiday saaka inay la kulmaan Guddoomiyaha Baarlamaanka Maxamed Mursal Sheekh ayaa caawa la kulmay.
Xildhibaanada oo u badan kuwii mooshinka ka keenay Madaxweyne Farmaajo ayaa mar kale laga hor istaagay inay iridka ka galaan Madaxtooyada, waxayna jebiyeen xayiraad saarneyd hoyga Guddoomiye Mursal ka degan yahay Madaxtooyada.
Xildhibaannada ayaa sheegay inay ka boodeen dhagxaan iyo biro ku wareegsanaa guriga guddoomiyaha oo aan hore u ahayn goob dadku isticmaalaan, waxaana kadib u suuragashay inay u tagaan guddoomiye Mursal oo ay sheegeen in madaxweyne Farmaajo uu diiday in loo tago.
